Post bainisteora le Tascfhórsa Uíbh Ráthaigh
Tá Tascfhórsa Uíbh Ráthaigh anois ag lorg
Bainisteoir Tionscnaimh do Phlean Gníomhaíochta II
chun seirbhís tacaíochta agus comhórdnaithe a chur ar fáil don Tascfhórsa agus chun cuidiú
le bainistiú agus feidhmiú a chláir oibre
An Cúlra: Is grúpa tras-earnála é Tascfhórsa Uíbh Ráthaigh a bunaíodh i 2017 chun dul i
ngleic le drochchaillteanas daonra i nGaeltacht Uíbh Ráthaigh. Tá eagrais pobail, gnó,
oideachais agus stáit ag feidhmiú ar an dTascfhórsa atá faoi chathaoirleacht Údarás na
Gaeltachta.
An tÉileamh: Tá iarratais á lorg anois ó dhaoine fonnmhara, féinspreagtha, le cáilíochtaí
oiriúnacha chun bainistíocht a dhéanamh ar chur i gcrích an dara Phlean Gníomhaíochta de
chuid an Tascfhórsa.
Fáilteofar roimh iarratais i leith na hoibre seo ar bhonn fostaíochta ar théarma seasta nó ar
bhonn chomhairleoireachta. Beidh an té a cheapfar ag obair i nGaeltacht Uíbh Ráthaigh.
An Ról: Beidh an Bainisteoir Tionscnaimh ag obair go díreach do agus thar ceann Grúpa
Stiúrtha an Tascfhórsa. Beidh an té a cheapfar freagrach as comhordú agus soláthar tacaíochta
don Tascfhórsa i gcomhlíonadh a róil, agus i gcásanna áirithe, beidh tacaíocht de dhíth ar na
páirtnéirí mar an gcéanna.
Beidh an Bainisteoir Tionscnaimh freagrach do Chathaoirleach an Tascfhórsa/Ceannasaí Oifig
Réigiúnach & Forbartha Pobail an Deiscirt de chuid Údarás na Gaeltachta.
Na Dualgais: Beidh na dualgais seo a leanas i gceist, ach gan a bheith teoranta dóibh:
• Plé a dhéanamh le comhpháirtithe an Tascfhórsa go rialta maidir le dul chun cinn an
Phlean Gníomhaíochta agus áisitheoireacht a dhéanamh orthu.
• Tuarascáil a ullmhú go rialta do pháirtithe leasmhara, sonraí leanúnacha ar thascairí
feidhmíochta san áireamh.
• Buiséadú agus tuairisciú airgeadais.
• Eolas faoi obair an Tascfhórsa a roinnt go poiblí ar na meáin shóisialta agus na meáin
traidisiúnta ó am go h-am.
• Plé le teaghlaigh ag léiriú spéise in athlonnú, eolas a roinnt leo, gníomhú mar concierge
áitiúil.
• Plé le húinéirí tí áitiúla, cabhrú chun teaghlaigh a mheaitseáil leis na tithe cearta
• Cuidiú le tionscadal tithíochta inacmhainne faoi stiúir an phobail a chur i bhfeidhm in
Uíbh Ráthach.
Na Riachtanais:
• Cáilíocht ábhartha agus 3 bliana ar a laghad de thaithí ábhartha
• Eolas agus cumas oiriúnach sa Ghaeilge, scríofa agus labhartha
• Taithí ar chomhoibriú agus gréasánú le hearnáil an phobail agus le heagrais stáit.
• Eolas ar na straitéisí agus polasaithe ábharacha ag leibhéal áitiúil, réigiúnach agus stáit.
• Eolas ar chistí maoinithe agus taithí ar mhaoiniú a fháil ó fhoinsí éagsúla.
• Scileanna ábhartha ríomhaireachta ar leibhéal ard; cur amach ar na meáin shóisialta
agus cumas iontu
• Ceadúnas iomlán tiomána glan agus úsáid ghluaisteáin.
An Conradh: Seo a leanas sonraí tábhachtach a bhainfidh leis an bhfostaíocht seo
Tréimhse an chonradh Bliain amháin
Gnáthrialacha promhaidh i gceist? Tá
Uaireanta oibre sa tseachtain 21
Íocaíocht* €28,765
ASPC á dhíol ag an bhFhostóir? Tá
Eagrais conartha Forbairt na Dromaid
Módh iarratais CV & litir iarratais
* bunaithe ar Ard scála Oifigeach Riaracháin €53,239, pro rata.
Tá cóip de Ghníomhphlean an Tascfhórsa ar fáil ar shuíomh idirlín an Tascfhórsa –
www.saolnua.ie (nuacht agus ócáidí).
Conas iarratas a dhéanamh:
Seol iarratas mar aon le CV trí Ghaeilge roimh 4.00 i.n. ar an Aoine 4ú Aibreáin, 2025 chuig
tascfhorsa@udaras.ie.